MULTISENTRIK SUT BEZI SARATONI HAQIDA GISTOLOGIK MA’LUMOTLAR: O‘SMA TUGUNLARI TUZILMALARINING TAHLILI

Abstract

Tadqiqotning maqsadi: ko‘krak bezi saratoni (KBS) bilan og‘rigan bemorlarda katta va kichik o‘smalarning gistologik va molekulyar-biologik xususiyatlarini tahlil qilishdan iborat. Material va metod: Respublika ixtisoslashtirilgan onkologiya va radiologiya ilmiy-amaliy markazi va uning filiallarida 2018-2023-yillar davomida davolangan 133 nafar bemor ma’lumotlari retrospektiv tahlil qilingan. Gistologik, immunogistokimyoviy tahlillar o‘tkazilgan. Natijalar: Asosiy va ikkinchi o‘sma tugunlari ko‘p hollarda tashqi kvadrantlarda joylashgan. Asosiy o‘sma tugunining markazidan periferiya o‘tgan sari infiltrativ komponent kamayib boradi: mikroalveolyar va trabekulyar strukturalar, hujayralar gruppasi, solid va tubulyar strukturalar bilan ifodalangan. Ikkinchi o‘sma tugunida infiltrativ komponent tuzilmalarining turli xil variantlarining uchrashi asosiy o‘sma tugunining tegishli xususiyatlaridan farq qilmadi. Xulosa: Tadqiqot natijalari ko‘krak bezi saratoni multisentrik o‘smalarining gistologik tarkibi bilan o‘xshash bo‘lib, kasallik oqibatini bashorat qilish uchun tugunlarda molecular biologik tahlillar o‘tkazishni talab etadi.