Эндометрий дисфункцияси билан боғлиқ бепушт аёлларни даволаш ва профилактикасида патогенетик асосланган инновацион ёндашув

Abstract

Проспектив тадқиқотга жами 120 нафар аёл жалб қилинди: I гуруҳ – 40 нафар эрта репродуктив ёшдаги беморлар, II гуруҳ – 50 нафар кеч репродуктив ёшдаги беморлар, назорат гуруҳи – 30 нафар соғлом аёллар. Диагностика таркибига эхографик ва допплерометрик текширувлар, гормонал таҳлил ҳамда иммуногистохимик (ИГХ) баҳолаш – BCL6, CXCL13 ва ZBTB16 маркерлари бўйича таҳлиллар киритилди. Даволаш таркибида микронизирланган прогестерон, азоксимера бромид ва гиалуронидаза препаратлари қўлланилди. Эндометрий қалинлиги 6,0–6,3 мм дан 8,1–8,4 мм гача ошган (p<0,001), резистентлик индекси (RI) 0,72–0,74 дан 0,62–0,64 гача пасайган (p<0,01), прогестерон ва эстрадиол концентрациялари нормаллашган (p<0,001), BCL6, CXCL13 ва ZBTB16 маркерларининг экспрессияси ишончли даражада камайган (p<0,01). Рецептивликнинг тикланиши I гуруҳда 80,0%, II гуруҳда 72,0% аёлларда кузатилган, клиник ҳомиладорлик эса мос равишда 72,5% ва 68,0% ҳолатларда қайд этилган. Комбинацияланган патогенетик терапия эндометрийнинг морфофункционал ҳолатини яхшилайди, рецептивликни тиклайди ва клиник ҳомиладорлик кўрсаткичларини оширади.