Аёлларда эндометриал дисфункцияси билан боғлиқ бачадондан аномал кетишлари салмоғини ретроспектив таҳлили натижалари

Abstract

Резюме. Мақолада репродуктив ёшдаги аёлларда эндометриал дисфункция билан боғлиқ бачадондан аномал қон кетиш (БАҚК-Е) ҳолатларининг ретроспектив таҳлили келтирилган. Тадқиқот 2021–2022 йилларда шифохонага мурожаат қилган 200 нафар беморнинг тиббий ҳужжатлари асосида амалга оширилди. Текширувлар натижасида аёлларда БАҚК-Е ривожланишида асосий хавф омиллари сифатида ёш (≥30 ёш), ортиқча тана вазни ва семизлик, менструал функциянинг бузилишлари, сальпингоофорит, респиратор инфекциялар, поликистоз тухумдон синдроми, узоқ муддатли гормонал контрацепция ва сурункали стресс аниқланди. Даволашда қўлланилган консерватив ва хирургик усуллар қисқа муддатли самара кўрсатган бўлса-да, рецидив ҳолатлари юқори даражада қайд этилди. Олинган натижалар БАҚК-Е муаммосини комплекс ёндашув ва инновацион патогенетик даволаш усулларини жорий этиш зарурлигини кўрсатди.