PERINATAL DAVRDA ONA VA BOLAGA TIBBIY YORDAM KOʻRSATISHNI TASHKIL ETISH VA KOʻRSATISH BOʻYICHA NORMATIV-HUQUQIY BAZA

Abstract

Ushbu maqolada perinatal davrda ona va bolaga tibbiy yordam ko‘rsatish tizimini tartibga soluvchi normativ-huquqiy baza, uning tarkibiy qismlari va ahamiyati tahlil qilinadi. Perinatal yordamni tashkil etishda O‘zbekiston Respublikasining qonunlari, Prezident farmon va qarorlari, Vazirlar Mahkamasining qarorlari hamda Sog‘liqni saqlash vazirligining buyruqlari asosiy o‘rin tutadi. Maqolada perinatal yordamni regionalizatsiya qilish (darajalarga bo‘lish), xalqaro standartlarni (JSST) milliy protokollarga integratsiya qilish hamda ona va go‘daklar o‘limini kamaytirishga qaratilgan huquqiy mexanizmlar ko‘rib chiqiladi. Shuningdek, zamonaviy klinik protokollar va standartlarning tibbiy yordam sifatini oshirishdagi o‘rni yoritib berilgan. Tadqiqot natijalari perinatal yordamning huquqiy asoslarini takomillashtirish sohasidagi joriy islohotlarni baholashga xizmat qiladi.