Yuqori lab yuganchasi sohasidan olingan transplantat yordamida milk retsessiyasini bartaraf etish usulininig samaradorligini asoslash

Abstract

Uslubiy tavsiyanomada milklarning retsessiyasini davolashda yuqori lab yuganchasi sohasidan olingan transplantant yordamida milk retssessiyasini bartaraf etish usulining samaradorligini asoslash va jarrohlik usullarini qiyosiy tavsiflari keltirilgan. Milk retsessiyasi kо‘pincha gigiyenik darajasi yuqori bо‘lgan populiyatsiyada keng tarqalgan kasallikdir. XX asrning boshlaridan boshlab retsessiyani yopish uchun kо‘plab jarrohlik texnikasi va ularning modifikatsiyalari taklif qilingan. Tarixiy jihatdan ishlab chiqilgan jarrohlik usullarning aksariyati bitta tishda uchraydigan milk retsessiyasini bartaraf etishda ishlatilgan. Biroq Zucchelli va boshqalarning fikriga kо‘ra, bitta tishda uchraydigan milk retsesiyasiga qaraganda bir nechta tishda uchraydigan milk retsessiyasi amaliyotda kо‘proq uchraydi. Milklarni kо‘p sonli retsessiyasi (MKR) xolatida ildizning avaskulyar yuzasi yanada keng bо‘lib hisoblanadi, bu milkning ingichka biotipi, biriktirilgan keratinlashgan milklarining ingichka zonasi (MKB) va tishlar ildiziga chiquvchi yuzalar bilan bir qatorda jarrohlik usuli bilan davolash tanlovini og‘irlashtiradi. MKRda parodontalogik plastik jarrohligini asosiy maqsadi bо‘lib jalb etilgan barcha tishlarning ochilib qolgan ildiz yuzasini samarali yopish, milklar qalinligi hamda BKM yuzasini oshirish bо‘lib hisoblanadi. Ushbu uslubiy tavsiyanomada milklarning retsessiyasini davolashda yuqori lab yugancha sohasidan olingan transplantant yordamida milk retssessiyasini bartaraf etish usulining samaradorligini asoslash va jarrohlik usullarini qiyosiy tavsiflari hamda retsessiyani bartaraf etish bo‘yicha tavsiyalar berilgan. Uslubiy tavsiyalar stomatologlar, tibbiyot tadqiqotchilari, magistrlar va klinik ordinatorlar uchun mo‘ljallangan.