ATEROSKLEROZ KASALLIGIDA PARHEZ OVQATLANISHNING AHAMIYATI

Abstract

Yurak-qon tomir kasalliklari profilaktikasida ovqatlanishning ahamiyati ma’lum [3,4]. Asoratlarning oldi olinishida ovqatlanish tartibi va sog‘lom turmush tarzi odatlanish muhim yo‘nalishlardan biri hisoblanadi. Aholini sog‘lom turmush tamoyillari bilan tanishtirish, ya’ni ratsional ovqatlanish, jismoniy harakat, chekishga qarshi kurashish juda muhim tadbirlar hisoblanadi. Davolovchi parhez medikamentoz davo kabi bemorga ijobiy ta’sir ko‘rsatishi bilan birga ba’zi dori-darmonlar ko‘rsatadigan nojo‘ya ta’sirlardan holidir. Yurak-qon tomir kasalliklari mavjud bemorlarda kasallikka mos keluvchi parxez buyurilishi va jismoniy mashqlar orqali qondagi lipid miqdorini me’yorlash va koronar arteriyalardagi aterosklerotik stenozni kamaytirish mumkin (koronarografiya natijalariga asosan) (Basukova N.L., Zambrjiskiy O.N., Fomina A.I., Doroshevich V.I). Davolovchi parhez kompleks terapiyaning majburiy qismi hisoblanadi. Dietologiyaning asoschilaridan bo‘lgan M.I.Pevzner bemorning ovqatlanishi davolashning asosiy qismlaridan biri ekanligini, hamda boshqa terapevtik muolajalar bilan birgalikda olib borilishi kerakligini ta’kidlagan. Davolovchi parhez bo‘lmagan joyda ratsional davo ham yo‘q deyiladi