Эндометрий дисфункцияси билан боғлиқ бепуштликнинг ретроспектив таҳлили: хавф омиллари ва репродуктив натижалар

Abstract

Ушбу тадқиқотда эндометрий дисфункцияси билан боғлиқ бепуштлик ҳолатлари ретроспектив таҳлил қилинди. Жами 100 нафар аёл тиббий ҳужжатлари асосида ўрганилди. Натижаларга кўра, эндометрий дисфункцияси билан боғлиқ бепуштлик ҳолатларининг учраш салмоғи 62,5% ни ташкил этди. Асосий хавф омиллари сифатида ёшнинг катталиги, ҳайз цикл бузилишлари, сурункали эндометрит, инструментал аралашувлар ва гормонал дисбаланс аниқланди. Стандарт гормонал ва иммуномодулятор терапия самарадорлиги чекланган бўлиб, фақат 23,0% аёлларда фертиллик тикланишига эришилди.