Abstract:
Эндокрин генезли бепуштлик аёлларда овуляция ва гормонал мувозанат бузилишининг асосий сабабларидан бири ҳисобланади. Ушбу тадқиқотда гиперпролактинемия, гипотиреоз ва поликистик тухумдон синдроми (ПТС) бўлган 120 аёлда эхографик ва допплерометрик кўрсаткичлар таҳлил қилинди ҳамда уларнинг гормонал профил ва тухумдон захираси билан боғлиқлиги ўрганилди. Натижалар гиперпролактинемияда тухумдон гипоперфузияси, гипотиреозда тиреоид паренхимасида эхогенлик пасайиши ва микроциркуляция бузилиши, ПТСда эса тухумдон қобиғи қалинлашиши, «периферик фолликуллар» феномени, стромал гиперваскуляризация ва резистив индекс (RI) пасайиши билан характерланишини кўрсатди. ROC таҳлил RI ≥ 0,70 ни эндокрин генезли бепуштликни аниқлашда юқори сезгирлик (80%) ва спецификлик (73%) билан ташхисий мезон сифатида баҳолаш мумкинлигини тасдиқлади. Эхографик ва допплерометрик усуллар бепуштлик турларини эрта ва инвазив бўлмаган тарзда фарқлаш, индивидуал терапия тактикаси белгилашда амалий аҳамиятга эга.
