Abstract:
Ушбу тадқиқотда эндометрий дисфункцияси билан боғлиқ бепушт аёлларда гормонал дисбаланснинг хусусиятлари ва унинг клиник аҳамияти ўрганилди. 120 нафар аёл иштирок этган тадқиқотда қон зардобида гормонал профил ECLIA усулида таҳлил қилиниб, статистик баҳолаш SPSS ва R дастурлари орқали амалга оширилди. Натижаларга кўра, бепушт аёлларда фолликулостимулловчи гормон (ФСГ) юқори, эстрадиол ва прогестерон даражаси паст, тестостерон юқори ва антимюллер гормони (АМГ) камайгани аниқланди (p<0,05). ФСГ АМГ билан кучли салбий боғлиқликка эга экани, эстрадиол ва прогестерон билан тескари корреляция намоён этди. ROC таҳлил натижаларида прогестерон (AUC=0,88) ва эстрадиол (AUC=0,87) имплантацияни прогнозлашда энг юқори диагностик қийматга эга бўлди. Ушбу маълумотлар эндометрий дисфункцияси билан боғлиқ бепуштликда гормонал дисбалансни аниқлаш персоналлаштирилган даволаш тактикасини танлашда муҳим аҳамият касб этишини кўрсатади.
