Abstract:
Ушбу проспектив тадқиқотда турли репродуктив тизим биотопларида (қин, цервикал канал, эндометрий, бачадон найлари, тухумдон) микробиота дисбиозининг бепуштлик патогенезидаги роли ўрганилди. 18–43 ёшдаги 120 нафар аёл иштирок этган таҳлилда ПЦР, qPCR, бактериологик экиш ва биоинформатик усуллар орқали микробиота таркиби баҳоланди. Натижаларга кўра, дисбиоз ҳолатида Lactobacillus spp. улушининг кескин камайиши ва шартли-патоген турларнинг устунлиги қайд этилди; айниқса тухумдон биотопида диверситет индекси энг паст кўрсаткични намойиш қилди. Корреляцион таҳлилда лактобациллалар овуляция
кўрсаткичлари билан мусбат, дисбиоз индекси эса клиник ҳомиладорлик билан салбий боғлиқлиги аниқланди. Ишлаб чиқилган ROC-модел (AUC=0,89) юқори сезгирлик ва спецификликка эга бўлиб, бепуштликни прогнозлашда клиник амалиёт учун аҳамиятли экани тасдиқланди.
