Abstract:
Ушбу мақола болаларда бронхиал астма ва атопик дерматитнинг
коморбид кечишида ичак микробиотаси ва иммун тизими ўртасидаги ўзаро боғлиқликнинг
замонавий патогенетик жиҳатларини ёритади. Илмий мақсад. Болаларда бронхиал
астма ва атопик дерматитнинг коморбид кечишида ичак микробиотаси ва иммун
тизимидаги ўзгаришларни аниқлаш. Материаллар ва усуллар. Тадқиқотга бронхиал
астма ва атопик дерматит коморбид кечиши кузатилган 56 нафар бола жалб этилди.
Уларнинг ёши 3 дан 12 ёшгача бўлиб, барчасида клиник ва лаборатор мезонлар асосида
ташхис тасдиқланган. Назорат сифатида ёш ва жинси бўйича мос 30 нафар соғлом бола
олинди. Натижалар ва уларнинг муҳокамаси. Олинган натижаларда бронхиал астма ва
атопик дерматит биргаликда кечган болаларда микробиота диверситети соғлом
болаларга нисбатан кескин паст экани аниқланди. Хусусан, Bifidobacterium ва Lactobacillus
каби пробиотик штаммлар улуши камайиб, аксинча Enterobacteriaceae ва Clostridioides
турлари кўпайгани қайд этилди. Хулоса қилиб айтадиган бўлсак, бронхиал астма ва
атопик дерматит коморбид кечиши кузатилган болаларда ичак микробиотасининг
тузилиши ва диверситети жиддий ўзгаришларга учрагани исботланди.
