Abstract:
Эклампсия бу ҳомиладорлик учинчи уч ойлигида ривожланадиган оғир кечиши ва
ҳомиладор аёллар орасида юқори ўлим кўрсаткичи билан давом этадиган патология бўлиб,
қон босимини ошиши, сийдикда оқсил ажралиши ва бошқа клиник белгилар билан намоён
бўладиган касалликдир. Эклампсияда буйрак усти безининг стрессор омилларга жавоб
реакциясини ҳаддан зиёд ошиши, морфофункционал фаолликни ошиши, барча қават
ҳужайраларини шикастланишига олиб келади. Натижада, буйрак усти бези пўстлоқ
қавати барча соҳаларида дистрофик ва некробиотик ўзгаришлар билан бирга кескин
тўлақонлик ва ўчоқли диапедез қон қуйилишларини ривожланиши билан давом этади.
Айнан, буйрак усти безининг энг кўп шикастланадиган соҳаси бу пўстлоқ қават тутамли
соҳасидаги без эпителийларининг гиперфун-кционал ҳолати оқибатида, массив тўлақонлик
ва некроз ўчоқларининг ривожланишига олиб келади.
