Abstract:
Ushbu maqolada semizlikning zamonaviy tibbiyotdagi o‘rni, uning metabolik,
yurak-qon tomir, endokrin, nafas olish va onkologik kasalliklar bilan bog‘liqligi,
davolash usullarining samaradorligi va bariatrik jarrohlikning afzalliklari ilmiy
manbalar asosida tahlil qilinadi. Shuningdek, semizlik inson umr davomiyligiga
ta’siri va kelajakdagi xavf omillari haqida ma’lumotlar keltirilgan. XXI asrda semizlik dunyo miqyosida eng tez o‘sib borayotgan surunkali
kasalliklardan biri hisoblanadi. U rivojlangan mamlakatlar bilan bir qatorda,
iqtisodiy jihatdan o‘sib kelayotgan hududlarda ham yuqori darajada tarqalgan
bo‘lib, global sog‘liqni saqlash tizimi uchun dolzarb muammo sanaladi. JSST
tomonidan 1997-yilda semizlik rasmiy ravishda global epidemiya deb e’lon
qilingan. Mazkur kasallikning yuqori xavfliligi uning ko‘plab tizimli kasalliklar
bilan birgalikda kechishi va umr davomiyligiga sezilarli ta’sir ko‘rsatishi bilan
bog‘liq.
