Abstract:
Мақолада гипертензив ҳолатли ҳомиладорларда туғруқ ва
туғруқдан кейинги даврни олиб бориш тактикасининг хусусиятлари, туғруқ
вақти ва усулини дифференциал танлаш масалалари ёритилган. Тадқиқот 2021–
2023 йилларда стационар шароитида кузатилган 150 нафар ҳомиладор аёлда
олиб борилди: назорат гуруҳи (n=50), гестацион артериал гипертензияли (ГАГ,
n=50), сурункали артериал гипертензияли (ХАГ, n=50) ва преэклампсияли (ПЭ,
n=75) беморлар. Она ва ҳомила марказий, системали ва регионар – буйрак
ҳамда бачадон-плацентар-ҳомила қон оқими параметрлари динамик
мониторинг қилинди. Натижалар шуни кўрсатдики, ишлаб чиқилган
диагностик алгоритм асосида дифференциал гипотензив терапия ва
гемодинамика мониторинги ХАГ да 90%, ГАГ да 70% ва ўртача ПЭ да 58%
ҳолларда ҳомиладорликни прологация қилиш имконини берди. Бачадон бўйни
Фолей катетери ва простагландинлар (Гландин Е2) билан тайёрлаш дастур
асосидаги туғруқда юқори самарадорлик (100% мустақил туғруқ) кўрсатди.
Артериал гипертензиянинг ўзи абдоминал туғруққа кўрсатма эмаслиги
тасдиқланди
