Abstract:
Мақолада 1990 йил июнь ойида Бухоро адабий муҳитида юз берган муҳим маданий
ҳодисалардан бири – адабий ва маданий масалалар бўйича мутахассис Арон Шаломаевнинг Бухорога
амалга оширган ижодий сафари таҳлил қилинади. Тадқиқотда ушбу сафарнинг асосий мақсади, унинг
доирасида олиб борилган учрашувлар, Бухоро яҳудий ижодкорларининг адабий фаолияти ҳамда уларнинг
маданий меросини ўрганиш жараёнлари ёритилади. Шунингдек, сафар давомида қўлёзмалар,
таржималар, хотиралар ва оғзаки ижод намуналарини ўрганиш, ижодкорларнинг адабий уюшмалар
билан алоқалари, нашр имкониятлари ва маданий меросни сақлаш масалалари таҳлил қилинади.
Мақолада мазкур ижодий сафар СССР парчаланиши арафасидаги ижтимоий-маданий жараёнлар,
мафкуравий назоратнинг заифлашуви ҳамда этномаданий адабиётларнинг фаоллашуви контекстида
баҳоланади. Тадқиқот натижасида Арон Шаломаевнинг Бухорога қилган сафари Бухоро адабий
муҳитининг кўп миллатли ва кўп маданиятли хусусиятларини очиб берувчи муҳим тарихий ҳодиса
сифатида талқин қилинади ҳамда ҳудудий адабий муҳитларда юз берган трансформацион жараёнларни
ўрганишда муҳим манба сифатида эътироф этилади.
