Abstract:
Ushbu maqolada surunkali yurak yetishmovchiligi (SYY) va metabolik assotsirlangan jigar yog‘
kasalligi (MAJYK) komorbidligida jigar fibrozini erta noinvaziv diagnostikasiga bag‘ishlangan zamonaviy
adabiyotlar tahlil qilingan. Ikki kasallikning epidemiologik va patofiziologik o‘zaro bog‘liqligi, elastografiya usulining
venoz kongestiya sharoitidagi diagnostik cheklovlari yoritilgan. Alohida e’tibor NT-proBNP, CK-18 (M30) va PRO-C3
biomarkerlarining diagnostik ahamiyatiga qaratilgan — ular mos ravishda kardial kongestiya, gepatotsitlar
apoptozi va faol fibrogenez jarayonlarini aks ettiradi. Ushbu uch markerni birlashtirgan integral diagnostik
yondashuv, xususan elastografiya imkoniyati cheklangan klinik sharoitlarda, jigar fibrozini erta va ishonchli
aniqlashning istiqbolli yo‘nalishi sifatida asoslangan.
