ONALAR O‘LIMIDA XOMILADORLIKKA BOG‘LIQ BO‘LGAN BUYRAK PATOLOGIYALARI

Abstract

Onalar o‘limi darajasi nafaqat homiladorlik va tug’ruq jarayonida ayollar uchun ko’rsatiladigan tibbiy xizmatning samaradorligini, balki mamlakatdagi ijtimoiy-iqtisodiy barqarorlik, sog’liqni saqlash tizimining rivojlanish darajasi va reproduktiv salomatlik ko’rsatkichlarini ham aks ettiradi. Homiladorlik fiziologik jihatdan adaptatsiya talab qiluvchi jarayon bo‘lib, u buyrak kasalliklarining mavjud klinik kechishini og’irlashtirishi mumkin, shuningdek, buyrak patologiyalari ham homiladorlikning normal kechishiga salbiy ta’sir ko‘rsatadi. Ayniqsa, onalar o‘limi strukturasining yetakchi sabablaridan biri hisoblangan preeklampsiya nefropatiyaning turli shakllarini, jumladan glomerulopatiya, tubulopatiya va interstitsial nefrit kabi patologik holatlarni keltirib chiqarishi yoki mavjud nefrologik buzilishlarni chuqurlashtirishi bilan ahamiyatlidir.