TIBBIY TADQIQOTLARDA NISBIY XAVF KOʻRSATKICHINING AHAMIYATI VA ULARNI AMALIYOTDA QOʻLLASH

Abstract

Maqolada prospektiv tibbiy tadqiqotlar, xususan kogort va klinik tadqiqotlarning natijalarini baholash uchun keng foydalaniladigan absolyut va nisbiy xavf koʻrsatkichi hisoblash tartibi, uni qoʻllash mumkin boʻlgan va mumkun boʻlmagan holatlar bayon etilgan. Nisbiy xavf koʻrsatkichi qanchalik katta boʻlmasin, yuqori va pastki chegarasini baholamasdan turib uning ishonchliligi haqida fikr yuritish xato boʻladi. Davolash usullari va dori vositalari ustidan tadqiqot olib borilganda nisbiy xavf bilan birga nisbiy xavfning kamayishi va davolanish kerak boʻlgan bemorlar sonini aniqlash olingan natijalarni yanada asoslashga xizmat qiladi. Maqolada nisbiy xavf koʻrsatkichining xatoligini, yuqori va pastki chegarasini, nisbiy xavfni kamayishi, davolanish kerak boʻlgan bemorlar soni ko‘rsatkichining mazmun mohiyati va ularni hisoblash usullari misollar asosida yoritib berilgan.