COVID-19 да ошқозон-ичак тракти

Abstract

Коронавирус инфекциясининг дастлабки пайдо бўлган даврида касаллик тўсатдан зўрайиб, оптимал даволаш қилинсада, кўп леталликка олиб келди. Олиб борилган тадқиқотлар шуни кўрсатдики, инфекциянинг патогенези нафақат вирусли пневмония, оғир респиратор етишмовчилик ривожланиши билан, балки кучли гиперкоагуляцион ҳолат вужудга келиши билан боғлиқ эди [4]. COVID-19 билан касалланган беморларда гиперкоагуляциянинг молекуляр механизмлари ялиғланиш билан чамбарчас боғлиқ эканлиги аниқланди [2, 5]. Ушбу инфекциянинг иситма, йўтал, миялгия, чарчоқ ва пневмония каби типик кўринишлари яхши маълум бўлса-да, дастлабки тадқиқотлар диарея каби атипик ошқозон-ичак белгиларининг 1-3,8% оралиғида кам учрашини қайд этди. Бошқа бир тадқиқотда 10,1% диарея ва кўнгил айниши ва 3,6% қусиш билан гастроинтестинал симптомларнинг юқорилигини кўрсатди.