Abstract:
Пешобни текшириш нафақат пешоб ажратиш тизими, балки бошқа
касалликларда ҳам амалий аҳамиятга эга. Уни текшириш натижалари
касалликнинг кечиши ва ўтказилаётган даволаш чораларининг самарасини
баҳолаш имконини беради.
Пешобни клиник текшириш уч қисмдан иборат: физик хоссаларини
аниқлаш, кимёвий таҳлил ва пешоб чўкмасини микроскопда текшириш.
Куннинг турли вақтида пешоб ҳар хил таркибга эга бўлиб, бу ўз навбатида
истеъмол қилинган овқат, унинг таркиби, ичилган суюқлик миқдори,
жисмоний иш ва ҳаво ҳароратига боғлиқ. Оддий клиник таҳлил учун тоза
идишга эрталабки пешобнинг ўрта порцияси олинади.
