Abstract:
Ушбу мақолада сурункали буйрак касаллиги гломерулонефрит билан хасталанган
пациентларнинг кунлик овқатланиш рационини таркиби гигиеник таҳлил қилинган. Андижон
вилоятида яшайдиган овқатланиш билан боғлиқ бўлган пациентларнинг куз мавсумида уй
шароитида кунлик овқатланиш рациони гигиеник жиҳатдан таҳлил қилинди ва норматив
хужжат 0007-2020 санитария норма ва қоидалари талаблари мос келиши таҳлил қилинди.
Маҳсулотларнинг кимёвий таркиби «Озиқ-овқат маҳсулотларининг кимёвий таркиби»
бўйича баҳоланди. Олинган натижалардан кўриниб турибдики, пациентларнинг кунлик
овқатланиш рациони белгиланган физиологик меъёрий кўрсаткичларга мос келмайди. Биз
томонидан кунлик рацион таркибида энг асосий хавф гуруҳ маҳсулотлари ҳисобланган маргарин
4,2 ва 5 мартагача, қахва 3,33-4,25 мартагача, ош тузи 2,2-3,5 мартагача, шакарнинг миқдори эса
2,2-2,7 ҳамда қандолат маҳсулотларининг истеъмол даражаси 1,3-1,4 мартагача ва ўсимлик
мойининг истеъмол даражаси 4-20%га ортиқчадир. Дуккакли маҳсулотлар эса 33,4- 42,5% кам
истеъмол қилинган бўлса, ноннинг истеъмоли меъёрга нисбатан эркакларда 69,6%га, аёлларда
94,5%га, макарон 22,5-44%гача ортиқчалигини кўрсатди. Кунлик рационда жавдар нони кунига
48,7-57,5%, гуруч эркакларда 65га ортиқча бўлса, аёлларда 25%га кам, бўтқалар эса 1,0-1,25
мартагача кам истеъмол қилинган. Кунлик рацион таркибида мол гўштининг истеъмол
даражаси 35,0-51,6%ни, қўй гўшти 60,0-80,0%ни, қуён гўшти 60,0-76,0% гача кам бўлса, сут
маҳсулотларининг истеъмол даражаси эркакларда 61,1%, аёлларда эса 64,6%га камлиги
аниқланди. Кунлик рацион таркибида сабзовот ва мевалар ҳам етарли даражада истеъмол
қилинмаган. Тузланган помидор ва бодринг, томат ва зираворларнинг истеъмол миқдори эса
кескин ортиқчалиги аниқланди. Бу эса хасталикнинг даврий қайталанишига сабаб бўлади. Ушбу
беморлар учун маҳаллий маҳсулотлардан иборат профилактик рацион тузиш зарур.
