Abstract:
Tadqiqotda jami 120 nafar reproduktiv yoshdagi (18-40 yosh) ayollar qatnashdi. Ular klinik va instrumental baholash asosida uchta guruhga ajratildi: I guruh – avval «puch» follikula sindromi (PFS) tashxisi qoʼyilgan 40 nafar ayollar, II guruh – PFS rivojlanishi xavfi yuqori boʼlgan 50 nafar ayollar, taqqoslash guruhi – 30 nafar sogʼlom ayollar. Barcha ishtirokchilarda tuxumdon rezervi va ovulyator funktsiyaning holatini baholash maqsadida kompleks tekshiruvlar oʼtkazildi. Tadqiqot doirasida exografik (ulьtratovush) va dopplerometrik tekshiruvlar orqali tuxumdon hajmi, antral follikullar soni, tuxumdon tuzilishi, qon aylanishi va exostruktura oʼzgarishlari tahlil qilindi. Shuningdek, ishtirokchilarda menstrual sikl xususiyatlari va gormonal fon baholanib, tuxumdon
funktsiyasiga taʼsir etuvchi ehtimoliy patofiziologik jarayonlar oʼrganildi. Olingan natijalar asosida PFS tashxisining instrumental diagnostik imkoniyatlari baholandi va exografik hamda dopplerometrik usullarning klinik ahamiyati tahlil qilindi.
