Abstract:
Ушбу тадқиқот семизлик билан оғриган беморларда гастрошунт ва слийв
резекция каби турли бариатрик жарроҳлик аралашувларидан кейин тана вазнининг
камайиш динамикасини таҳлил қилишга бағишланган. Тадқиқотда ушбу усулларнинг узоқ
муддатли самарадорлиги баҳоланиб, операция турига қараб беморларда тана массаси
индексининг (ТМИ) камайишидаги фарқлар аниқланиши мақсад қилинган. Тадқиқотда 110
нафар бемор иштирок этди, улардан 80 фоизини аёллар ташкил этди. Тадқиқотнинг
асосий эътибори операциядан кейинги икки йил мобайнида ТМИ ва тана вазнининг
камайиш динамикасига қаратилди. Натижалар шуни кўрсатдики, гастрошунт слийв
резекцияга нисбатан тана вазни ва ТМИнинг янада барқарор камайишини таъминлайди,
бу операциядан икки йил ўтгач вазн ва ТМИ камайиш динамикасидаги сезиларли фарқлар билан тасдиқланади. Ушбу топилмалар гастрошунтнинг семизлик билан оғриган
беморларнинг узоқ муддатли вазн бошқарувида юқори самарадорлигини тасдиқловчи
бошқа тадқиқотлар натижалари билан мос келади
