Abstract:
Ушбу тадқиқот оксидатив стресс биомаркерлари — ROS, MDA ва TAC — ҳамда овариал функция кўрсаткичлари ўртасидаги боғлиқликни баҳолаш ва фолликулогенезнинг эрта бузилишларини аниқлашда уларнинг диагностик қийматини белгилашга қаратилди. 2024–2025 йилларда ўтказилган проспектив тадқиқотда 90 нафар аёл қатнашди ва улар оксидатив стресс даражасига кўра уч гуруҳга ажратилди. Натижаларга кўра, оксидатив стресс юқори бўлган аёлларда AMГ даражаси сезиларли камайган, ФСГ юқори бўлган ва AФC деярли уч баробар пасайгани аниқланди. ROS ва MDA кўрсаткичлари юқори, TAC даражаси эса паст эканлиги аниқланди. Корреляцион таҳлил ROSнинг AMГ ва AФC билан кучли ва ўртача тескари алоқада, ФСГ билан эса тўғри алоқада эканини кўрсатди. ROC-анализда ROS > 30% AUC = 0,84 бўлди, AMГ < 1,1 нг/мл + ROS > 32% комбинацияси эса AUC = 0,91 ни ташкил қилди. Умуман, оксидатив стресс биомаркерлари овариал резервнинг эрта пасайиши ва фолликулогенез бузилишларини аниқлашда юқори прогностик аҳамиятга эга экани тасдиқланди.
