AHOLI ORASIDA ONKOLOGIK KASALLIKLAR TARQALISH SABABLARI VA OLDINI OLISH CHORA TADBIRLARI

Abstract

Ushbu maqolada dunyoda va O‘zbekistonda saraton bilan kasallanish holatlari, unga olib keluvchi keng tarqalgan xavf omillari hamda ularni oldini olishning zamonaviy yo‘llari taqdim etilgan. Bugungi kunda dunyo bo‘yicha saraton bilan kasallanish darajasi ortib bormoqda, bu esa profilaktika va erta tashxisning ahamiyatini yanada oshiradi. JSST ma’lumotlariga ko‘ra 2050-yilga borib dunyoda saraton bilan kasallanish darajasi 77% oshishi kutilmoqda. O‘zbekistonda ham saraton bilan kasallanish va o‘lim holatlari soni o‘sib bormoqda. Har yili 20000 dan ortiq yangi saraton bilan kasallanish holatlari aniqlanmoqda. Hozirgi kunda ro‘yxatda olingan bemorlar soni 100000 dan ortiqni tashkil etadi. Asosiy xavf omillari orasida atrof-muhitning ifloslanishi bilan bog‘liq omillar, tamaki iste’moli, noto‘g‘ri ovqatlanish, jismoniy faollik yetishmasligi va genetik o‘zgarishlar ustunlik qiladi. Kasallanishning yoshlar orasida tarqalib borayotganligi muammoga jiddiy e’tibor qaratishni talab etadi.