Abstract:
Ушбу мақолада болалар ўртасида қон айланиш тизими касалликларининг
тарқалиши, асосий сабаблари ва олдини олиш усуллари илмий жиҳатдан таҳлил қилинган.
Қон айланиш тизими касалликлари болалар соғлиғи учун муҳим муаммолардан бири
бўлиб, уларнинг жисмоний ривожланиши, таълимдаги фаоллиги ва ҳаёт сифатини
пасайтиради. Мақолада тўғма ва орттирилган юрак нуқсонлари, артериал гипертензия,
анемия каби касалликларнинг патогенези, клиник белгилари ва диагностика усуллари
ёритилган. Шунингдек, болаларда соғлом турмуш тарзини шакллантириш, тўғри
овқатланиш ва жисмоний фаолликни рағбатлантириш орқали касалликларнинг олдини
олиш чоралари муҳокама қилинган. Тадқиқот натижалари қон айланиш тизими
касалликларига қарши самарали профилактика дастурларини ишлаб чиқишда муҳим
аҳамиятга эга.
