Abstract:
Биз тадқиқотнинг кейинги босқичида COVID-19 инфекцияси билан касалланишнинг
эпидемиологик хусусиятларини ўрганиш мақсадида 2022 йилнинг 1-январидан 28
февралгача Тошкент шаҳрининг Миробод, Мирзо Улуғбек, Бектимир, Учтепа, Олмазор,
Чилонзор туманларидаги жами 6616 нафар COVID-19 инфекцияси билан касалланган
беморларнинг эпидемиологик текширув хариталарини таҳлил қилдик. Тадқиқотни
категорияли ўзгарувчиларни сони (%) шаклида тақдим этдик. Категорияли ўзгарувчиларни
таҳлил қилиш учун χ2 тестидан фойдаланилди. Агар ўзгарувчида барча қаторларнинг 20%
дан ортиғи кутилган қиймат 5 дан кам бўлган ҳолатларда, χ2 тести ўрнига Фишернинг
аниқ тестидан фойдаланилди. Барча тестлар P қиймати 0.05 дан кам бўлган ҳолларда
статистик аҳамиятли деб қабул қилинди. Статистик таҳлиллар SPSS версия 26 (IBM
Corp., Armonk, NY, USA) дастури орқали амалга оширилди.