СУРУНКАЛИ ОБСТРУКТИВ ЎПКА КАСАЛЛИГИ БЎЛГАН БЕМОРЛАРДА ОРОфАРИНГЕАЛ МИКРОБИОТА ВА УНИНГ ЯЛЛИҒЛАНИШ МАРКЕРЛАРИ БИЛАН БОҒЛИҚЛИГИ

Abstract

Мақсад. Сурункали обструктив ўпка касаллиги (СОЎК) турли босқичларидаги беморларда орофаренгеал микробиота таркибини ўрганиш ва микробиота ўзгаришлари билан тизимли яллиғланиш маркерлари ўртасидаги боғлиқликни аниқлаш. Усуллар. Тадқиқотга СОЎК билан оғриган 100 нафар бемор киритилди ва уч гуруҳга бўлинди: I босқич (n = 30), II босқич (n = 35), III босқич (n = 35). Орофаренгеал микробиота таркиби MALDI-TOF масс-спектрометрия усули билан таҳлил қилинди. Яллиғланиш маркерлари (С-реактив оқсил, ин терлейкин-6, ўсма некроз омили-α) иммунологик усуллар ёрдамида аниқланди. Ўпка функцияси спирометрия билан баҳоланди. Статистик таҳлил бир омилли дисперсион таҳлил ва Пирсон кор реляция таҳлили ёрдамида амалга оширилди. Натижалар. СОЎК беморларида фойдали микроорганизмлар (Streptococcus spp., Neisseria spp.) даражасининг I босқичда 38 % ва 42 % дан III босқичда 26 % ва 31 % га қадар прогрессив камай иши аниқланди (p < 0,001). Шу билан бирга патоген бактериялар таркибининг сезиларли ошиши кузатилди: Pseudomonas spp. 9 % дан 22 % га ошди (p < 0,001), Haemophilus influenzae – 4 % дан 16 % га (p < 0,001). Дисбиоз ва яллиғланиш маркерларининг ошиши ўртасида кучли корреляция аниқланди: СРО 10,2 ± 2,8 дан 20,8 ± 4,2 мг/л га ошди (p < 0, 001), IL-6 – 32,5 ± 8,5 дан 65,8 ± 15,8 пг/ мл га (p < 0,001), ФНО-α – 9, 2 ± 2,8 дан 19,8 ± 4,8 пг/мл га (p < 0,001). Патоген микроорганизмлар таркиби яллиғланиш маркерлари билан ижобий корреляция кўрсатди (r = 0,74–0,78, p < 0,001) ва ўпка функцияси кўрсаткичлари билан салбий корреляция (r = –0,69, p < 0,001). 8 ҳафталик пробио тик терапия микробиотани тиклашга ва клиник кўрсаткичларнинг сезиларли яхшиланишига олиб келди. Хулоса. Орофаренгеал микробиота СОЎК патогенезида муҳим роль ўйнайди. Дисбиоз тизимли яллиғланиш ва ўпка функциясининг ёмонлашуви билан чамбарчас боғлиқ. Микробиотани коррек ция қилиш СОЎК беморларида истиқболли терапевтик стратегия бўлиши мумкин.