Abstract:
Revmatoid artrit (RA) surunkali tizimli autoimmun yallig‘lanish kasalligi bo‘lib, bo‘g‘imlarning destruktiv shikastlanishi va funksional yetishmovchilik bilan kechadi. So‘nggi yillarda RA patogenezida immun mexanizmlar bilan bir qatorda metabolik va gepatik boshqaruv tizimlarning ham muhim o‘rni aniqlanmoqda. Ushbu maqolada jigar tomonidan sintezlanadigan muhim gepatokin – fetuin-A ning revmatoid artritdagi klinik, patogenetik va diagnostik ahamiyati tahlil qilindi. Adabiyotlar va klinik tadqiqotlar natijalari fetuin-A darajasining kasallik faolligi (DAS28), immunologik agressivlik, bo‘g‘im destruksiyasi hamda RA bilan bog‘liq ikkilamchi osteoporoz bilan chambarchas bog‘liq ekanini ko‘rsatdi. Fetuin-A revmatoid artritda immun-metabolik buzilishlarni aks ettiruvchi istiqbolli biomarker sifatida baholandi.
