BUXORO YAHUDIYLARI VA ARON SHALOMAYEV IJODI

Abstract

Mazkur maqolada XX asr boshlarida Buxoro shahrida shakllangan va Markaziy Osiyodagi eng qadimgi yahudiy jamoalaridan biri hisoblangan Buxoro yahudiylarining tarixiy, ijtimoiy va madaniy hayoti tahlil qilinadi. Tadqiqotda jamoaning shahar hayotidagi o‘rni, asosiy xo‘jalik faoliyat turlari, diniy institutlari hamda etnomadaniy xususiyatlari yoritiladi. Alohida e’tibor Buxoro yahudiylarining identitetini belgilovchi muhim omillardan biri bo‘lgan yahudiy-tojik (buxoriy) tiliga qaratilib, uning madaniy xotirani saqlashdagi o‘rni ochib beriladi. Shuningdek, maqolada buxoriy tilida ijod qilgan taniqli adib Aron Shalomayevning hayoti va ijodi misolida Buxoro yahudiylari adabiy merosining ahamiyati tahlil qilinadi. XX asr oxirida yuz bergan migratsiya jarayonlari, jamoaning Isroil va boshqa mamlakatlarga tarqalishi hamda diasporada madaniy uzluksizlik masalalari ilmiy-nazariy yondashuv asosida ko‘rib chiqiladi. Tadqiqot natijalari Buxoro yahudiylarining tarixiy merosi va etnomadaniy identitetini chuqurroq anglashga xizmat qiladi