2 TUR QANDLI DIABET BILAN OG‘RIGAN BEMORLARDA DIABETIK NEFROPATIYA RIVOJLANISHIDA KLOTHO OMILINING AHAMIYATI

Abstract

Qonda mochevina, plazmada kreatinin, koptok chalar filtratsiyasi tezligi (KFT) formulalari, pro- - teinuriya va albuminuriya hozirda diabetik nefropatiyaning mavjudligi va rivojlanishini baholash uchun keng qo‘llaniladigan chora-tadbirlardir [4]. Biroq, bu chora-tadbirlar buyrak to‘qimalarining shikastlanishini aniq, to‘g‘ridan-to‘g‘ri ko‘rsatib bera olmaydi va buyrak faoliyatidagi kichik o‘zgarishlarga nisbatan sezgir emas. DNning klinik jihatdan rivojlangan bosqichining xabarchisi mikroalbuminuriya bo‘lib, u albuminning siydik bilan chiqarilishining (ASCh) kuniga 30-300 mg oralig‘ida ortishi bilan tavsiflanadi. Odatda siydikda albuminning normal darajasi kuniga 30 mg dan kam. Bu ko‘rsatkich buyraklar faoliyatini baholash va siydikda oqsil mavjudligini aniqlash uchun ishlatiladi. Albumin darajasining oshishi buyraklarning shikastlanishini, shu jumladan diabetik nefropatiyani ko‘rsatishi mumkin. Shuni takidlash kerakki, qandli diabet bilan og‘rigan bemorlarda «yuqori normal» siydik bilan albumin chiqarilishi tashxisi mikroalbuminuriya rivojlanishining prognozidir [5]. Sog‘lom odamlarda ham, diabet bilan og‘rigan bemorlarda ham albumin chiqarilish tezligining kunlik diapazoni 40-45% ni tashkil qiladi .