Abstract:
Homilador ayollarda yurak-qon tomir tizimi (YQTT) me’yorida faoliyat
ko‘rsatishining buzilishi o‘ziga xos muammo hisoblanadi, chunki yurak-qon tomir
kasalliklari - homilador ayollarda eng ko‘p uchraydigan ekstragenital kasalliklar
guruhi bo‘lib, onalar va chaqaloqlar o‘limining asosiy sabablaridan biridir [2, 5, 9].
Umuman, YQTK (yurak-qon tomir kasalliklari) ekstragenital patologiyaning
80%gacha bo‘lgan qismini tashkil etadi. Bu kasalliklar "ona-yo‘ldosh-homila"
tizimidagi bo‘g‘inlar muvozanatining buzilishiga xizmat qiladi va platsentar
yetishmovchilik, surunkali bachadon ichi gipoksiyasi va homila rivojlanishining
kechikishiga olib keladi [7, 12, 15]. Homilador ayollardagi ekstragenital kasalliklar
orasida yurak-qon tomir patologiyasi (YQTP) yetakchi o‘rinda ekanligini hisobga
olganda, onalar o‘limi va kasallanishi, shuningdek, muddatidan oldin tug‘ish
natijasida kelib chiqadigan perinatal muammolar hali ham ancha dolzarb masala
bo‘lib turibdi [4, 10, 14]
