Abstract:
Атеросклероз дунёнинг кўплаб мамлакатларида юрак-томир касалликлари, миокард
инфаркти ва инсультларнинг етакчи сабабларидан биридир. Атеросклероз ривожланишидаги
патогенетик механизмларни ўрганиш унинг самарали профилактика ва даволаш усулларини
ишлаб чиқиш учун асосий вазифадир.
Эндокрин тизимдаги бузилишлар, айниқса адипокинлар (ёғ тўқималари томонидан ишлаб
чиқариладиган биологик фаол моддалар) нинг номутаносиблиги атеросклероз патогенезида
асосий ўрин ўйнаши мумкин. Эндокрин бузилишлар ва атеросклеротик ўзгаришлар
ўртасидаги боғлиқликни тушуниш атеросклерозни даволаш ва профилактика қилишнинг янги
ёндашувларини ишлаб чиқишга ёрдам бериши мумкин.
Атерома босқичлари атеросклероз ривожланишида муҳим аҳамиятга эга, чунки
атеросклеротик бляшкаларнинг шаклланиши ва беқарорлашиши юрак-томир асоратлари
хавфи билан боғлиқ. Эндокрин тизимнинг атеросклерознинг атерома босқичларидаги ролини
ўрганиш янги даволаш мақсадларини очиб беришга ёрдам бериши мумкин.
Шундай қилиб, ушбу йўналиш долзарб ҳисобланади, чунки у атеросклероз
ривожланишининг эндокрин бузилишлар билан боғлиқ муҳим патогенетик аспектларини очиб
беришга имкон беради ва юрак-томир касалликларини профилактика қилиш ҳамда
даволашнинг самарали стратегияларини ишлаб чиқаришга ёрдам бериши мумкин