DIFFUZ TOKSIK BO’QOQDA ANEMIYA LABORATOR DIAGNOSTIKASI

Abstract

Diffuz toksik bo‘qoq (DTB) qalqonsimon bezning autoimmun kasalligi bo‘lib, gormonlarning gipersekretsiyasi natijasida organizmda metabolizmning tezlashishi va turli tizimlarning funksional buzilishlari kuzatiladi. Ushbu holat gematologik tizimga ham ta’sir ko‘rsatib, anemiyaning turli shakllarini keltirib chiqarishi mumkin: mikrotsitik, makrotsitik va gemolitik. DTB bilan kechuvchi anemiyalarning rivojlanishi temir, B12 vitamini va folat kislotasi tanqisligi, shuningdek, eritrotsitlarning autoimmun hujumga uchrashi bilan bog‘liq. Anemiyani aniqlash uchun umumiy qon tahlili, biokimyoviy ko‘rsatkichlar va autoimmun antitanalarni aniqlash laborator diagnostikaning asosiy usullari hisoblanadi. Davolashda qalqonsimon bez faoliyatini normallashtirish, temir va vitaminlarni tiklash, autoimmun jarayonlarni boshqarish muhim ahamiyatga ega. Ushbu ishda DTB bilan kechuvchi anemiyaning rivojlanish mexanizmlari, diagnostikasi va davolash usullari batafsil ko‘rib chiqilgan. Kasallikning samarali terapiyasini ta’minlash uchun kompleks yondashuv, o‘z vaqtida diagnostika va muntazam monitoring zarurligi ta’kidlangan.