Abstract:
Bachadon xavfli o'smalari, birinchi navbatda, endometriy saratoni (ES) eng keng tarqalgan ginekologik xavfli o'smalardan biridir. Bachadon tanasi saratoni prognozi va bemorlarning yashovchanligi ko'p jihatdan gistologik tekshiruvning jarrohlik amaliyoti natijalari asosida aniqlanadigan kasallikning bosqichiga bog'liq. I-III klinik bosqichlardagi bachadon tanasi saratoni bilan og'rigan bemorlarning uzoq muddatli davolash natijalariga statistik jihatdan sezilarli ta'sir ko'rsatadigan salbiy prognoz omillari mavjud bo'lib, ularga quyidagilar kiradi: klinik bosqich, yosh, o’smaning miometriyga invaziyasining chuqurligi, o'smaning hajmi va differensiatsiya darajasi, o'sma emboliyasining mavjudligi, miometriyning qon va limfa tomirlarida, qorin bo'shlig'ida o'sma hujayralarining embollari aniqlanishi, disseminatsiya va limfogen metastazlar. Limfa tugunlarida metastazlar erta bosqichda bachadon saratoni uchun eng muhim prognostik omil hisoblanadi.
