Abstract:
Mazkur maqolada harbiy boshqaruv tizimida shaxsning faoliyatga bo‘lgan motivatsiyasini shakllantiruvchi ijtimoiy-psixologik omillar tahlil qilingan. Harbiy jamoalarda rahbarlik samaradorligi, intizom va mas’uliyatni oshirishda motivatsion yondashuvning o‘rni yoritilgan. Shaxsiy va jamoaviy ehtiyojlar, maqsadlar, qadriyatlar tizimi hamda harbiy rahbarning kommunikativ madaniyati motivatsiya jarayoniga qanday ta’sir ko‘rsatishi izohlangan. Tadqiqotda motivatsiyani shakllantirishning psixologik mexanizmlari, yetakchilik uslublarining ta’siri va harbiy muhitda ijtimoiy munosabatlarning ahamiyati tahliliy jihatdan asoslab berilgan. Shu bilan birga, samarali boshqaruvni ta’minlash uchun harbiy rahbarlar tomonidan qo‘llanilishi lozim bo‘lgan motivatsion strategiyalar bo‘yicha ilmiy tavsiyalar ishlab chiqilgan.
