Allergik rinitni tashxislashda molekulyar-genetik tekshirish usullari

Abstract

Ushbu uslubiy tavsiyanomada allergik rinitni tashxislashda molekulyargenetik tekshirishga doir takliflar keltirilgan. Allergik rinitni tashxislashda molekulyar-genetik tekshirish usullarini qo‘llash bo‘yicha metodik tavsiyani ishlab chiqish hozirgi zamon tibbiyotining dolzarb ehtiyojlaridan biridir. Allergik rinit keng tarqalgan kasallik bo‘lib, u bemorlarning hayot sifatini pasaytiradi, mehnat va o‘qish samaradorligiga salbiy ta’sir ko‘rsatadi hamda bronxial astma kabi asoratlarning rivojlanishiga olib kelishi mumkin. An’anaviy diagnostika usullari (klinik belgilar, teri sinamalari, umumiy IgE darajasini aniqlash) har doim ham kasallikning aniq sababchi allergenlarini va individual immun javob xususiyatlarini to‘liq aks ettira olmaydi. Ushbu yondashuv allergen komponentlarini (molekulalarini) aniqlash orqali haqiqiy va soxta sensibilizatsiyani farqlash, kross-reaktivlikni baholash hamda individual davolash va profilaktika strategiyasini tanlashda muhim ahamiyatga ega. Shuningdek, genetik markerlarni aniqlash kasallikka irsiy moyillikni baholash va xavf guruhlarini shakllantirish imkonini beradi. Uslubiy tavsiyanoma umumiy amaliyot shifokorlari, tibbiy ilmiy xodimlar, magistrlar va klinik ordinatorlar uchun moʻljallangan.